Bss likh diya

Ham jab aksar preshaan hote hai, tab Bhagwan ko yaad karta hai. Jab sab kuch achha chal raha hota hai, tab aksar usse Bhagwan ki yaad bhi nahi aati. Hum apni khushiyon ka credit khud le lete hain aur apne dukhon ka sawaal Bhagwan se karte hain.

Shayad aastha ka matlab ye nahi ki har baar Bhagwan se apni marzi ki cheez maangi jaaye. Shayad aastha ka matlab ye hai ki jab zindagi hamari marzi ke hisaab se na chale, tab bhi humare andar umeed zinda rahe.

Bhagwan agar kahin hain, to shayad woh us insaan ki madad mein hain jo bina kisi matlab ke kisi ka haath pakad leta hai.

Woh us maa ki dua mein hain jo apne bachche ke liye chupchaap prarthana karti hai.

Woh us dost ke saath khade hone mein hain jo mushkil waqt mein bina pooche saath aa jaata hai.

Aur shayad woh us pal mein bhi hain jab hum tootne ke baad khud ko phir se sambhalte hain.

Hum aksar Bhagwan se poochte hain—“Mere saath hi kyun?”

Lekin shayad zindagi ka ek doosra sawaal bhi hai—

Jo mere paas hai, uske liye maine kab Bhagwan ko thank you kaha?

Aakhir mein ye bolunga ki Bhagwan positive energy ka vo roop h jo hme shiv ke roop me Vishnu ke room me Ram ke roop me krishn ke roop me dikhayi deta h

Isii vajah se hamko mandir ke andar jaane pe purity feel hoti h ek alg hi Anand aata h 🥰🥰